පසුගිය කාලයේ පැවති ගංවතුර සහ මේ වනවිට පවතින නියඟය හේතුවෙන් විපතට පත්ව සිටින ළමුන්ට අවශ්‍ය සහන සැලසීමට ආධාර රැස් කිරීමේ අරමුණින් ලෝක ක...
පසුගිය කාලයේ පැවති ගංවතුර සහ මේ වනවිට පවතින නියඟය හේතුවෙන් විපතට පත්ව සිටින ළමුන්ට අවශ්‍ය සහන සැලසීමට ආධාර රැස් කිරීමේ අරමුණින් ලෝක කණ්ඩායම සහ ශ්‍රී ලංකා ක්‍රිකට් කණ්ඩායම අතර පැවැත්වෙන ප්‍රදර්ශනාත්මක විස්සයි විස්ස තරඟය සැප්තැම්බර් 08 වනදා පැවැත්වීමට නියමිතයි.
ආර්. ප්‍රේමදාස ක්‍රීඩාංගනයේදී පැවැත්වීමට නියමිත මෙම තරඟය ශ්‍රී ලංකා කණ්ඩායමේ මෙන්ම ලෝක කණ්ඩායමේ වත්මන් ක්‍රීඩකයන් මෙන්ම එම කණ්ඩායම් නියෝජනය කර ඇති ක්‍රීඩකයන් තරඟයට ක්‍රීඩා කිරීමට නියමිත බවයි වාර්තා වන්නේ.
ක්‍රිකට් ආයතනය සඳහන් කරන්නේ ඉන්දියාවත් ඇතුළුව ලෝක කණ්ඩායම නියෝජනය කරන සෙසු රටවල් 07 ක්‍රීඩකයින් තරඟාවලියට එක්වන බවට අපෙක්ෂා කරන බවයි.
කෙසේ වෙතත් විදෙස් තරඟාවලි හේතුවෙන් මෙම තරඟය සඳහා ශ්‍රීලංකා කණ්ඩායමේ හිටපු නායකයින් වන කුමාර් සංගක්කාර සහ මහේල ජයවර්ධන එක් නොවන බවයි වාර්තා වන්නේ.
ශ්‍රී ලංකාව සහ ඉන්දියාව අතර මේ වනවිට පැවැත්වෙන තරඟ සංචාරය සැප්තැම්බර් 06 වැනිදා විස්සයි විස්ස තරඟයකින් අවසන් වනවා.
ඉන් පසුව එම විස්සයි විස්ස තරඟය ක්‍රීඩා කරන ඉන්දීය ක්‍රීඩකයන් කිහිපදෙනකු මෙම සුවිශේෂී තරඟයට එක්කර ගැනීමට බලාපොරොතුවන බව සදහන්.
COMMENTS